تېلېفۇن بەرگەنلەرنىڭ يېنىدىكى كىشلەر زىيانغا ئۇچرايدىكەن بىرەرىنىڭ يانفونىدا كىملەر بىلەندۇر يۇقىرى ئاۋازدا سۆزلىشىۋاتقانلىقىنى ئاڭلىغاندا، ھەر قانداق ئادەمنىڭ ئۇلارغا ئاغزىڭنى يۇم دەپ توۋلىغۇسى كېلىدۇ. ئامېرىكىدىكى پىسخىكا ژۇرنىلىنىڭ ئەڭ يېڭى سانىدا ئېلان قىلىنغان ماقالىدە مۇنداق دېيىلدى: خىيال ئىچىدە تۇرغان كىشىنىڭ يېنىدىلا ئاڭلانغان ئاۋاز ھەر قانداق ئادەمنى بىزار قىلىدۇ، چۈنكى چۈشىنىش مەۋجۇت نورمال سۆزلىشىشكە قارىغاندا، پەقەت يەككە ھالدا سۆزلىشىش كىشىنىڭ چوڭ مېڭىسىگە تولىمۇ بىنورمال تەسىر كۆرسىتىپ، كىشىنى چارچاپ كەتكەندەك تۇيغۇغا كەلتۈرىدۇ-دە، ئادەمنىڭ كۆڭلىدىكى بىئاراملىق كۈچىيىدۇ. بۇ تۈرلۈك تەتقىقاتقا مەسئۇل بولغان پىسخولوگىيە دوكتورى ئېبۇسېن ئىستۇدېنتلار ئوبېيكىت قىلىنغان تەكشۈرۈش خىزمىتىنى تاماملىغاندىن كېيىن مۇنداق يەكۈنگە ئىگە بولدى: ئادەم تاسادىپەن ھالدا باشقىلارنىڭ تېلېفۇندا قىلغان سۆزلىرىگە قۇلاق سېلىپ قالغان چاغدا، گەرچە ئۇ ياندا تۇرۇپ چالا-پۇچۇق ئاڭلىغۇچى بولسىمۇ، لېكىن پاراكەندىچىلىككە ئۇچراش دەرىجىسى سۆھبەتنىڭ پۈتۈن جەريانىغا قاتناشقۇچىدىن نەچچە ھەسسە كۈچلۈك بولىدۇ. بۇنداق چاغدا ئادەم قۇلىقىنى يوپۇرۇپ تۇرۇۋېلىشقىمۇ ياكى پېشىنى قېقىپ كېتىپ قېلىشقىمۇ پۇرسەت تاپالمىغاچقا، روھىي جەھەتتە ئازابلىنىپلا قالماستىن، يەنە بېشى ئاغرىۋاتقاندەك تۇيغۇدا بولىدۇ. ئۈرۈمچى كەچلىك گېزىتى :مەنبەسى